OFW:
Bayani sa Labas
Sa
hirap ng buhay ngayon, marahil palaisipan sa ating mga Pilipino kung paano
umangat at umunlad ang katayuan sa lipunan? Marami sa atin ay nangangailangan
ng sagot upang masagot ang mga katanungang ito. Kung pagbabatayan ang katayuan
ng isa rito sa Pilipinas kumpara sa isang bansa maaaring napakalaki ng agwat sa
pagitan nito. Dahil sa mga pangyayari at mga patunay na ito sapat na ba ang
tinatawag nating “Migrasyon” upang makaahon sa pamumuhay?
Sinasabing
ang migrasyon ang tawag sa pagpunta o pagdayo ng isang tao o grupo ng tao sa
isang lalawigan, barangay, bayan, ibang bansa o isang mas malayong lugar. Sa
pananaw ng maraming Pilipino, talagang isang oportunidad ito para sa kanila.
Maraming maaaring benepisyong hatid ang pagpunta o paglipat ng isang tao sa
isang pook. Ngunit kabila ng maraming maganda at mabuting epekto nito, may
nakaabang din itong masamang resulta o panganib sa buhay. Subalit marami pa rin
ang nakikipagsapalaran at sumusubok sa pagnanais na gumanda ang buhay. Ang iba
nga ay gumagawa na ng kasamaan o pilit na kumakapit sa patalim kapalit ng
magandang kinabukasan. Pangunahin na sa ating mga Pilipino ang paghahanap ng
maayos at de-kalidad na trabaho. Bunsod ng kakulangan ng hanapbuhay dito sa
bansa, humahanap ang mga kababayan natin o tinatawag na OFW upang doon makilala
at makatagpo ng kabuhayan. Bagama’t mahirap, pilit na tinitiis para sa mga
mahal sa buhay.
Katunayan
may mga OFW na umunlad ang buhay dahil sa migrasyon. Yumaman ang iba at
nakilala dahil sa kanilang angking husay at galing. Kung dito sa bansa hindi
sila mapansin, sa iba naging matagumpay at naging propesyunal sila. Para sa
akin, isang magandang pangitain kung saan ito ang magsisilbing daan pa sa mas
maraming Pilipino na mangibang bansa Nakakatuwang isipin na mayroong mga
kababayan natin na nabibigyan ng pangaral dahil sa kabutihan, pagpupunyagi,
pagsisikap, at pagiging determinado nila sa kanilang hanapbuhay. Dagdag pa
rito, hindi lang sila ang nakikilala kundi pati rin ang bansang kanilang sinasagisag.
Dito nasasalamin kung anong uri ang mga tao nito at mismong pinanggalingan
niya. Talaga namang maipagmamalaking tunay ng Pilipinas ang mga OFW dahil sa
karangalang dinadala nito.
Sa
kabilang banda, ang mga tagumpay na ito ay may masamang dulot sa kanila. Lingid
sa kaalaman ng ilan, hindi sa lahat ng pagkakataon masasabing ang OFW ay may
masarap na kinahihinatnan. Ang iba’y nasasangkot sa iba’t ibang krimen lalo’t
sa ibang bansa pa gaya ng sindikato ng droga, trafficking, pagpatay, at marami
pa. Sa halip na trabahong legal ay ilegal at nagiging mista pa ng
pagkakakulong, mas malala pa ay napaparusahan ng bitay dahil sa krimeng nagawa.
Kung may nakakatuwa, meron ding nakakalungkot. Sa aking sariling pananaw,
maaaring hindi sila nakahanap ng maayos na trabaho sa ibang bansa. Siguro sa pag-aakalang
maganda agad ang kalalabasan, naging desperado at nabigo.
Ngunit sa
kabutihang palad, mas marami pa rin ang mabuting balita tungkol sa OFW. Batay
sa aklat ng Araling Panlipunan – Mga Kontemporaryong Isyu Gr. 10, ang may-akda,
Ruben M. Milambiling, may 10 455 788 na OFW noong 2011 at patuloy pa itong
tumataas. Resuta nito noong 2013, nagbigay ito ng $ 22.98 B na remittances na
katumbas ng 10% ng GDP ng Pilipinas.
Base
rito, ang lahat ng ito ay hindi magiging posible kundi dahil sa kanila. Ang mga
OFW ang siyang nagbukas sa ibang bansa na kilalanin ang Pilipinas. Hindi
mapapalitan ng anumang materyal na bagay ang kabayanihan nila. Ang kanilang
pagod, pawis, dugo, puyat, at sakripisyong mawalay sa minamahal sa buhay, ang
siyang dapat nating pahalagahan. Sila ang itinuturing kong bayani ng bansa sa
labas – OFW.
